723
[c. 1v]
Edictum
Indictionis Suessanae Sinodi
Diocesanae
Ulysses Gherardinus a Rosa Dei, et Apostolicae Sedis
gratia Episcopus Suessanus
Cum Diocesana Synodus quot annis a Presulibus ex decreto gravissimo Sacri Concilii Tridentini cogi debeat; Nos haud legiptime nunc impediti cupientes pro Pastorali munere hoc adimplere decernimus eam fore, et esse celebranda die 21 Mensis Septembris. Quare universos huius nostre Civitatis, et Diocesis beneficia quaevis Ecclesiastica obtinentes in sacris constitutos, et qui iure, vel consuetudine interesse debent districte monemus in Domino, ut sub pena decem librarum cere albe et aliis gravioribus nostro arbitrio conveniant predicta statuta die summo mane in nostra Cathedrali cum talari habitu tonsura, et superpelliceo ad huius Synodi celebrationem, ut ea Divina auxiliante clementia, decernantur que ad animarum salutem, divini cultus incrementum, et totius Cleri disciplinam pertinere iudicabimus. In quorum fidem has litteras propria manu, ac sigillo munitas invaluis nostre Cathedralis ad omnium, et singulorum notitiam affigi mandavimus. Datum Suesse in Episcopali Palatio die 12 Mensis Augusti 1631.
Â
