Placidi: il Secondo Sinodo – Trascrizione

720

[7r]                                                                     Ca[pitulum] 3

Teneantur Parochi sub poena tarenorum duorum singulis dominicis diebus infra missarum solennia dies festos in sequenti hebdomada occurrentes populo annunciare: et sunt videlicet.

[7v]

[28v]                                                             

Ca[pitulum]2

Monemus insuper omnes tam seculares quam regulares sacerdotes, ut missas in [2]eorum ecclesiis et altaribus, statutis diebus, piis fidelium voluntatibus satisfaciendo, ut par est, celebrare non omittant. Coeteri vero beneficiati nondum ad sacerdotium promoti per alios idoneos a nobis probatos in eorum ecclesiis et altaribus his temporibus celebrari provideant, quibus ex fundatione, consuetudine, aut nostro statuto et precepto tenentur.

Titulus XVII De Processionibus

Cum commune votum communis sequi debeat oratio sepius enim dominus multiplicatis intercessoribus id elargitur, quod pauci non obtinent orantes. Monemus propterea ac in domino hortamur omnes; ut iuxta sacrorum Canonum instituta processionibus omnibus devote assistant, presertim in diebus rogationum et Sancti Marci. Curati vero saepius populum moneant, ne hoc salutare preceptum contemnant. Et cum presentes fuerint laici a clericis, mulieres a viris separatim prosequantur.

Ca[pitulum] 2

Precipimus autem omnibus Clericis et presbyteris nostrae diocesis cuiuscumque ordinis et dignitatis fuerint, ut omni excusatione cessante, cumeorum superpelliceis mundis, et decenti habitu in processionibus [29 r] infra notandis sub poena ibidem expressa devote compareant et assistant. Regulares etiam in domino hortamur in nostra diocesi commorantes, ac eis sacra Concilii authoritate precipimus, ut in omnibus processionibus, cum a nobis invitati fuerint, et vocati personaliter cum suis crucibus ad nostram Cathedralem ecclesiam accedere debeant. Plebanos autem, ac Villarum Parochos, ne ex frequenti eorum absentia Parochiales ecclesiae detrimentum sustineant, ad processionem sanctissimi Corporis Christi solummodo astrictos volumus. Canonici vero ad processiones Sancti Marci, et Corporis Christi sub poena Carolenorum quindecim convenire debeant. In aliis vero processionibus cum presentes non fuerint, distributionibus statutis non gaudeant, et nullam aliam poenam incurrant. Omnes autem Clerici et Presbyteri tam seculares, quam regulares in eorum locis per Primicerios designandis, iuxta eorum gradum, ordinum et dignitatis diversitatem sine strepitu in itinere graviter et modeste incedant non confabulantes, nec quid inordinatum cogitantes, nedum operantes, sed devotione hymnos, psalmos, aliasque divinas laudes et preces cantando progrediantur. Nullus autem predictorum processionem deserat priusquam ad ecclesiam, unde profecta sit, redierit.

Ca[pitulum] 3

Nullus cuiuscumque dignitatis vel status fuerit, audeat, dum processiones fiunt, [29v] in die presertim Corporis Christi in via aut foribus ecclesiarum representationes aliquas, vel quaevis spectacula, facere audeat, vel ut fiant precipere aut procurare. Secularem etiam Magistratum viarum refectionibus prepositum, qui vulgo Portulanus dicitur, magnopere hortamur, ut religionis zelo debite accensus, precedenti die processionum, vias omnes, per quas illa transire consuetum est, diligenter mundare, et aptare prevideat, eos, qui ad hoc tenentur, cogendo et sub poenis, si oportuerit coercendo. Cum autem diebus ferialibus processiones fieri contigerit omnibus artificibus , et nostrae Civitatis apothecariis precipimus, ne eo tempore, quo processio sit, donec ad Cathedralem ecclesiam  redierit, servilibus operibus, ac vendendi negociis operam dent; sed eorum apotecis clausis processionibus dictis non impediti interesse debeant.

Ca[pitulum] 4

Processiones vero consuetae sunt. Processio in die sanctissimi Corporis Christi. In die sancti Marci sub poena Carolenorum quindecim. In aliis vero sub pena tarenorum duorum, et sunt Processio in die sancti Sebastiani ad dictam ecclesiam. Processio in prima sexta feria Quadragesimae et in diebus Annuntiationis et Assumptionis beatae Mariae ad ecclesiam sancte Mariae de Plano. Processio in dominica palmarum. Processiones Rogationum Feria secunda, tertia et quarta ante Ascen - [30r]sionem ad ecclesias sancti Sebastiani, sancti Francisci et sancti Dominici. Processio in die sancti Leonis Papae. Processio in die sabbati sancti, Paschae et Penthecostes.

[c. 74r]

Nos Ioannes Placidus Episcopus Suessae praecipimus Actuariis ac Nuntiis seu servientibus nostrae Curiae episcopalis tam presentibus, quam futuris, ut sub poena excommunicationis, et privationis officii infrascriptam taxam et ratam pro infrascriptis actis inviolabiliter servare debeant non plus exigendo, aut recipiendo etiam sponte datum. Datum Suessae in nostro episcopali Palatio. Die VII Mensis Ianuarii 1575. Pontificis Sanctissimi Domini Nostri Domini Gregorii Papae XIII Anno eius tertio.

Actuario haec debentur Videlicet

Per la letta lata de decreti interlocutorii in cause civili, criminali ordinarie, et extraordinarie, seu commesse grana cinque…………………………………………………………………………………………………………..o. o. 5

Per la letta lata di sententie o decreti diffinitivi in tutte le dette cause, grana dieci…………………o. o. 10

Per la presentata di qualsivoglia scrittura in tutte le dette cause grana cinque………………………....o.o.5

Per l’essamine de testimonii in tutte le dette cause, per il primo grana dieci……………………………o.o.10

Per gli altri grana cinque…………………………………………………………………………………………………………..o.o.5

Per l’essamine di ciascuno testimonio in cause commesse grana dieci, de quali la metà è del Commissario…………………………………………………………………………………………………………………………..o.o.10

[1] Due parole sono illeggibili a causa dell’acidità dell’inchiostro che ha causato perforazione nel supporto scrittorio, successivamente restaurato.

[2] In margine: In Conc[ilio] Trident[ino] Sect[io] 25. Ca[pitulum] 5